Ქორეოგრაფიული ანსამბლი "იალქანი" და ლაშა ადანაია "პერსონა 2026" წლის ტიტულით დაჯილდოვდება

საქართველოს წარმატებული ადამიანების დაჯილდოების ცერემონია „პერსონა“ უკვე მრავალი წელია საზოგადოებას იმ ადამიანებსა და შემოქმედებით კოლექტივებს აცნობს, რომლებიც საკუთარი საქმიანობით ქართული კულტურის, ხელოვნებისა და ეროვნული ტრადიციების განვითარებაში განსაკუთრებულ წვლილს დებენ. „პერსონა 2026“-ის ტიტულის მფლობელთა შორის ღირსეულ ადგილს იკავებენ ქორეოგრაფიული ანსამბლი „იალქანი“ და მისი სამხატვრო ხელმძღვანელი ლაშა ადანაია — ადამიანები, რომლებიც წლების განმავლობაში ერთგულად ემსახურებიან ქართული ცეკვის პოპულარიზაციასა და მომავალი თაობებისთვის ეროვნული მემკვიდრეობის შენარჩუნებას.

ქორეოგრაფიული ანსამბლი „იალქანი“ 1987 წელს დაარსდა ცნობილი ქორეოგრაფის, ლადო ლომინეიშვილის ხელმძღვანელობით. დაარსების დღიდან ანსამბლი ერთგულად ემსახურება ქართული ქორეოგრაფიული ხელოვნების განვითარებას, ეროვნული ტრადიციების დაცვასა და ქართული ხალხური ცეკვის პოპულარიზაციას. „იალქანი“ წლების განმავლობაში ღირსეულად წარმოაჩენს ქართული კულტურის მრავალფეროვნებას როგორც საქართველოში, ისე საერთაშორისო ასპარეზზე.

ანსამბლმა არაერთ საერთაშორისო ფესტივალსა და კონკურსში მიიღო მონაწილეობა და წარმატებით წარადგინა საქართველო მსოფლიოს სხვადასხვა ქვეყანაში — იტალიაში, უნგრეთში, რუმინეთში, თურქეთში, ბულგარეთში, რუსეთსა და უკრაინაში. საერთაშორისო წარმატებების შედეგად, „იალქანი“ მრავალი გრან-პრისა და პირველი ადგილის მფლობელი გახდა.

ანსამბლის განვითარების ისტორიაში მნიშვნელოვანი ეტაპი 2009 წლიდან იწყება, როდესაც გუნდს ქორეოგრაფ-რეპეტიტორის სტატუსით შეუერთდა ლაშა ადანაია. მისი პროფესიონალიზმის, შემოქმედებითი ხედვისა და საქმისადმი განსაკუთრებული ერთგულების შედეგად, 2016 წლიდან იგი მთავარი ქორეოგრაფი გახდა, ხოლო 2020 წლიდან დღემდე ანსამბლის სამხატვრო ხელმძღვანელის პოზიციას იკავებს.

ამავე პერიოდში ანსამბლის შემოქმედებით საქმიანობაში აქტიურად ჩაერთო ქორეოგრაფი ნათია კვარაცხელია, ხოლო 2020 წლიდან გუნდს კიდევ ერთი ნიჭიერი ქორეოგრაფი — სალომე გამსახურდია შეუერთდა. მათი ერთობლივი მუშაობა „იალქნის“ შემოქმედებით მრავალფეროვნებასა და წარმატებაში მნიშვნელოვან როლს ასრულებს.

ანსამბლის ქორეოგრაფები დაჯილდოებულნი არიან ალამდარის ორდენით, რაც მათი მრავალწლიანი პროფესიული მოღვაწეობისა და ქართული ქორეოგრაფიის განვითარებაში შეტანილი განსაკუთრებული წვლილის აღიარებაა.

„იალქნის“ მრავალწლიანი საქმიანობა არაერთი მნიშვნელოვანი ჯილდოთი და დაფასებით აღინიშნა. საქართველოს ხელოვნებისა და კულტურის აკადემიური დაჯილდოების 26-ე ცერემონიაზე ანსამბლს გადაეცა პრესტიჟული პრემია „პატრიოტი 2025“ ნომინაციაში — „წლის საუკეთესო ქორეოგრაფიული ანსამბლი“.

ასევე, 2025 წელს სამეგრელო–ზემო სვანეთის რეგიონის ქორეოგრაფთა კავშირის და ხელოვნებისა და ტურიზმის განვითარების ცენტრის „ოდიშის“ მიერ გამართულ საახალწლო მეჯლისზე, ანსამბლი „იალქანი“ 2025 წლის წარმატებულ ანსამბლად დასახელდა.

ანსამბლის პროფესიული მიღწევების კიდევ ერთი მნიშვნელოვანი აღიარება გახდა 2024 წელს საქართველოს ქორეოგრაფთა აკადემიის წევრობა. ამავე აკადემიამ ანსამბლის ხელმძღვანელი და ქორეოგრაფები მადლიერების სიგელებით დააჯილდოვა ქართული ქორეოგრაფიის განვითარებასა და პოპულარიზაციაში შეტანილი განსაკუთრებული წვლილისთვის.

განსაკუთრებული აღნიშვნის ღირსია კულტურისა და ხელოვნების განვითარების კავშირის „არტ-ფოლკის“ მიერ ანსამბლისთვის გადაცემული ხელოვნების ალამდარის ორდენი, რომელიც წარმატებული შემოქმედებითი საქმიანობისა და ქართული ხალხური ხელოვნების განვითარებაში შეტანილი განსაკუთრებული წვლილის აღიარებას წარმოადგენს.

ანსამბლი „იალქანი“ დღესაც აქტიურად აგრძელებს ქართული ცეკვის ტრადიციების შენარჩუნებასა და მომავალი თაობებისთვის გადაცემას, რითაც ღირსეულად აგრძელებს ქართული კულტურის სამსახურს.