,, პაციენტის მიმართ სითბო და ყურადღება მნიშვნელოვანია" - Ირმა ხვიჩია.

მედიცინა ერთ-ერთი ყველაზე საპასუხისმგებლო სფეროა, სადაც პროფესიონალიზმი და ადამიანური ღირებულებები თანაბრად მნიშვნელოვანია. ექიმის საქმიანობა მხოლოდ მკურნალობას არ მოიცავს — ის გულისხმობს პაციენტთან ნდობის დამყარებას, ემოციურ მხარდაჭერას და მათთვის უკეთესი მომავლის შექმნას. ამ თემებზე ისაუბრეს ირმა ხვიჩიას რეაბილიტაციის ცენტრში, სადაც ყურადღების ცენტრში ყოველთვის პაციენტია.

,, reformatv" - ის შეკითხვებს ცენტრის დამფუძნებელი ირმა ხვიჩია პასუხობს.

რა უპირატესი ღირებულებებით უნდა იყოს შემკული ექიმი?

ექიმისთვის უპირველესი ღირებულებებია პროფესიონალიზმი, პასუხისმგებლობა და ემპათია. პაციენტის მიმართ სითბო და ყურადღება ისეთივე მნიშვნელოვანია, როგორც მკურნალობის სიზუსტე.

რა განაპირობებს პაციენტის და ექიმს შორის ნდობის ჩამოყალიბებას?

ნდობას აყალიბებს გულწრფელი კომუნიკაცია, პროფესიონალური დამოკიდებულება და პაციენტის ინტერესების წინ წამოწევა. როცა პაციენტი გრძნობს, რომ ექიმი ბოლომდე უდგას გვერდით და მის პრობლემას სერიოზულად ეკიდება, მაშინ ჩნდება ნამდვილი ნდობა და თანამშრომლობა.

რა გრძნობაა, როცა პაციენტთან აღწევთ თქვენთვის სასურველ შედეგს?

ეს არის უდიდესი სიხარული და პროფესიული კმაყოფილება. თითოეული ბავშვისა თუ მოზრდილის წინსვლა ჩემთვის ყველაზე დიდი წარმატებაა. როცა ვხედავ, რომ პაციენტი უკეთესად გრძნობს თავს და ოჯახიც მშვიდად არის, ეს მაძლევს ენერგიას და ძალას, გავაგრძელო კიდევ უფრო მეტი მონდომებით.

მოგვიყევით თქვენი ცენტრის შესახებ – რა სერვისებს სთავაზობს პაციენტებს?

ირმა ხვიჩიას რეაბილიტაციის ცენტრი სთავაზობს როგორც ბავშვებს, ისე მოზრდილებს მრავალფეროვან სერვისებს:

ბავშვთა და მოზრდილთა ნევროლოგის, ეპილეპტოლოგის, ფსიქიატრის, ნარკოლოგის, ორთოპედის, რეაბილიტოლოგის, ფიზიოთერაპევტის, კლინიკური ფსიქოლოგის, ქცევითი თერაპევტის, მეტყველების და ენის თერაპევტის, ადრეული განვითარების თერაპევტის, სპეციალური პედაგოგის, ოკუპაციური თერაპევტის, არტ-თერაპევტის, პედიატრისა და ოჯახის ექიმის მომსახურებას.

საჭიროების შემთხვევაში ტარდება ვიდეო-EEG, გენეტიკური კვლევები, ექოკარდიოსკოპია, მუცლის ღრუს ექოსკოპია, სხვადასხვა ფიზიკური თერაპია (ფონოფორეზი, ელექტროფორეზი, მაგნიტოთერაპია, ელექტროსტიმულაცია, ამპლიპულსი, ულტრაფონოფორეზი, ულტრაბგერა).

ფუნქციონირებს სენსორული და ფიზიკური თერაპიის კაბინეტები.

ასევე ტარდება აუტიზმის სადიაგნოსტიკო სკრინინგი ADOS-2 და M-CHAT, ხოლო ბავშვებისთვის 7 წლამდე შესაძლებელია ადრეული განვითარების შეფასება.

ჩვენი მიზანია, ყოველი პაციენტი მიიღოს კომპლექსური დახმარება ერთ სივრცეში, პროფესიონალების გუნდის მიერ.

როგორია თქვენი სამომავლო გეგმები?

ჩვენ ვგეგმავთ ცენტრის სერვისების კიდევ უფრო გაფართოებას, თანამედროვე მეთოდების დანერგვას და ახალი სპეციალისტების შემოყვანას. ასევე, ვაპირებთ რეგიონებში პროგრამების გაძლიერებას, რათა დახმარება მივიტანოთ იმ ბავშვებამდე და ოჯახებამდე, ვისაც ნაკლები ხელმისაწვდომობა აქვთ. ჩვენი მთავარი მიზანი ყოველთვის ერთი იქნება – დავეხმაროთ ადამიანებს უკეთეს მომავალში.

Ექიმის პროფესია მხოლოდ სამედიცინო ცოდნას არ მოითხოვს — ის გულისხმობს სითბოს, ყურადღებასა და პაციენტზე ზრუნვას. ირმა ხვიჩიას რეაბილიტაციის ცენტრი სწორედ ამ ფასეულობებზე დაყრდნობით მუშაობს და ცდილობს თითოეულ პაციენტს შესთავაზოს სრული, კომპლექსური მომსახურება. მათი მისიაა, შექმნან სივრცე, სადაც პროფესიონალების გუნდი ერთიანად ზრუნავს ადამიანების ჯანმრთელობაზე და აძლევს მათ შანსს უკეთეს მომავალზე