,, Ჩემთვის ყველაზე დიდი საყრდენი ოჯახია" - ინგა ბერაია

ინგა ბერაია – „პერსონა 2025“-ის ტიტულის მფლობელი

ინგა ბერაია მრავალმხრივ ნიჭიერი და ხელოვანი ქალბატონია, რომელიც წელს „პერსონა 2025“-ის ტიტულით დაჯილდოვდება.

ინგა ბერაია თვითნასწავლი ხელოვანია, რომლისთვისაც ხელოვნება მხოლოდ ჰობი კი არა, ცხოვრების გზა და აზროვნების ფორმაა. ის მუშაობს შერეული ტექნიკით, თუმცა მისი მთავარი მიმართულება კრისტალებით მხატვრობაა. როგორც თავად განმარტავს, ამ გზით ცდილობს საზოგადოებას ხელოვნების ახალი, თანამედროვე ფორმა წარუდგინოს და აჩვენოს, რომ ფერებსა და ბზინვარებაში ემოციისა და სიღრმის ამოკითხვაც შეიძლება.

ხელოვანისთვის ოჯახი მთავარი საყრდენი და მტკიცე კედელია. სწორედ ოჯახიდან მოდის ის მხარდაჭერა, სტიმული და რწმენა, რომელიც მას საშუალებას აძლევს თავისუფლად განვითარდეს.

ინგა ბერაიასთვის პროფესია მხოლოდ საქმიანობა კი არა, სულიერი სივრცეა, სადაც ემოციები ფერებად, ფორმებად და პატარა დეტალებად გარდაიქმნება. თითოეულ ნამუშევარში ის საკუთარ სამყაროს დებს, რათა მაყურებელმა იგრძნოს ის სითბო და შთაგონება, რასაც თავად გრძნობს.

საზოგადოებასთან ურთიერთობა ბერაიას შემოქმედების განუყოფელი ნაწილია. წლების განმავლობაში იგი აქტიურად მონაწილეობს კულტურულ და საქველმოქმედო ღონისძიებებში. მისი მტკიცე რწმენაა, რომ ხელოვნებას ძალუძს ადამიანებს შორის ხიდის შექმნა, მათი გაერთიანება და გულებში სინათლის შემოტანა.